راگه‌یه‌ندراوی کۆتاییهاتنی چواره‌مین کۆنگره‌ی رێکخراوی خه‌بات،ی شۆڕشگێڕی کوردستان

به‌نێوی خودای به‌خشنده‌ی میهره‌بان

 خه‌ڵکی خۆڕاگر و خه‌باتگێڕی کوردستان!

 هێز و رێکخراوه‌شۆڕشگێڕه‌کان!

 ئه‌ندامان، لایه‌نگران و دۆستانی رێکخراوه‌که‌مان!

 بنه‌ماڵه‌ی سه‌ربه‌رزی شه‌هیدان!

  به‌خۆشییه‌وه ‌راده‌گه‌یه‌نین که ‌رێکخراوه‌که‌مان، رێکخراوی خه‌بات،ی شۆڕشگێڕی کوردستان، رۆژی 8 ی گه‌لاوێژی 1387، له‌ژێر دروشمی (ره‌سه‌نایه‌تیی و نوێخوازیی)دا چواره‌مین کۆنگره‌ی خۆی ده‌ستپێکرد و ئێواره‌ی-10ی گه‌لاوێژ به‌سه‌رکه‌وتنه‌وه‌کۆتایی به ‌کاره‌کانی هێنا.

  گۆنگره‌ی چواره‌می رێکخراوه‌که‌مان که ‌بۆ ماوه‌ی 3 رۆژ کار و چالاکيی، به‌رده‌وام بوو، پڕ بوو له ‌بابه‌ت و باس و لێکدانه‌وه‌ی گرینگ و هه‌نووکه‌یی، له‌وانه: خوێندنه‌وه‌، تاووتوێکردن و شیکردنه‌وه‌ی راپۆرتی کومیته‌ی ناوه‌نديی بۆ کۆنگره ‌‌که ‌‌بریتیی بوو له ‌لێکدانه‌وه‌یه‌کی زانستییانه ‌بۆ بارودۆخی سیاسیی ئێستای جیهان و ناوچه‌که‌و کوردستان و، هه‌ڵسه‌نگاندنی هه‌موو ئه‌و گۆڕانکارییه ‌سیاسیی، ئابووريی و کۆمه‌ڵایه‌تییه‌به‌رچاوانه‌ی له‌رابردوو و ئه‌مڕۆدا جیهان، ده‌ڤه‌ره‌که‌، وڵاته‌که‌مان و رێکخراوه‌که‌مانی گرتۆته‌وه‌.

  به‌شێکی دیکه‌ی کاری کۆنگره‌ی چوار ئاوڕدانه‌وه‌بوو له ‌مێژووی کاری رێکخراوه‌که‌مان، به‌تایبه‌تییش له‌ماوه‌ی نێوان دوو کۆنگره‌دا. له‌م به‌شه‌دا ئه‌ندامانی کۆنگره ‌به ‌باوه‌ڕی قووڵ به ‌رێبازی پیرۆزی خه‌بات، به ‌ره‌خنه‌ی دڵسۆزانه ‌و لێکدانه‌وه‌ی بنیاتنه‌رانه‌، خاڵه ‌لاواز و به‌هێزه‌کانی رابردووی "خه‌بات،ی شۆڕشگێڕ"یان خسته‌به‌رباس و لێکۆڵینه‌وه‌‌. له‌م په‌یوه‌ندییه‌دا، به‌له‌به‌رچاوگرتنی که‌شی سه‌رده‌م و پێویستییه‌کانی خه‌بات و تێکۆشان و، بۆ گوڕبه‌خشینی زیاتر به‌کاری رێکخراوه‌یی و پته‌وترکردنی ریزه‌کان و کۆکردنه‌وه و رێکخستنی تواناکانی خه‌بات و له‌وێشه‌وه ‌به‌هێزکردنی به‌ره‌ی بزووتنه‌وه‌ی رزگاریخوازانه‌ی کورد، به‌شداران به‌رنامه ‌و میکانیزمی شیاو و گونجاویان بۆ کار و چالاکییه‌کانی داهاتوو داڕشت.

  خوێندنه‌وه ‌و شیکردنه‌وه‌ی په‌یڕه ‌و پرۆگرامی رێکخراوی خه‌بات،ی شۆڕشگێڕی کوردستان و به‌راوردکردنی له‌گه‌ڵ ویسته‌کانی نه‌ته‌وه‌که‌مان و که‌ش و پێویستییه‌کانی سه‌رده‌م و سه‌رله‌نوێ داڕشتنه‌وه‌ی ئه‌و به‌رنامه‌یه‌، بڕگه‌یه‌کی دیکه ‌له‌کاره‌کانی کۆنگره‌بوو. له‌و به‌شه‌ی کاردا، ئه‌ندامان ‌به‌دڵسۆزیی و خه‌مخۆریی و به‌هه‌ستی به‌رپرسیارێتیی و به‌هێندگرتنی توانا‌کان، به‌شێوه‌یه‌کی زانستییانه‌بڕگه ‌و به‌شه‌کانی په‌یڕه‌و و پڕۆگرامیان شیکرده‌وه ‌و گۆڕانکاریی شیاو و پێویستیان تێدا پێکهێنا. له‌م باره‌وه، ‌به‌پێداگریی له‌سه‌ر ره‌سه‌نایه‌تیی بیروباوه‌ڕی خه‌بات و به‌سووربوون له‌سه‌ر پێویستبوونی نوێخوازیی و نوێبوونه‌وه،‌کۆنگره ‌چه‌ندین ئاڵوگۆڕی پێویست و گونجاوی پێکهێنان که‌به‌رچاوترینیان دیارییکردنی دروشمی (دابینکردنی مافی بڕیاردان له‌سه‌ر چاره‌نووسی گه‌لی کوردستان بۆ نه‌ته‌وه‌که‌مان) وه‌ك دروشمی سه‌ره‌کیی رێکخراوه‌که‌مان بوو.

  له‌به‌شی کۆتایی کاره‌کانیدا، کۆنگره ‌هاته‌سه‌ر باسکردن له‌چۆنیه‌تیی داڕشتنه‌وه‌ی قه‌واره‌ی سه‌رکردایه‌تی خه‌بات. له‌و بڕگه‌یه‌شدا، وه‌ك هه‌موو بڕگه‌کانی دیکه‌، ئه‌ندامانی کۆنگره ‌به‌وپه‌ڕی دڵسۆزیی و به‌ئاماده‌یی ته‌واوه‌وه ‌به‌شدارییان کرد و له‌ده‌نگدانێکی ئازادانه ‌و نهێنییدا، سه‌رکردایه‌تییه‌کی نوێیان بۆ راپه‌ڕاندنی کاره‌کانی رێکخراوه‌که‌مان هه‌ڵبژارد. جێگه‌ی ئاماژه‌یه ‌له ‌پێکهاته‌ی کومیته‌ی ناوه‌ندیی نوێدا، بوونی دیار و به‌رجه‌سته‌ی خوشکان و لاوان به‌رچاو ده‌که‌وێ که‌ئه‌وه‌ش به ‌یه‌کێك له‌سه‌رکه‌وتنه‌گه‌وره‌کانی کاره‌کانی کۆنگره‌ی چوار ده‌ژمێردرێ.

 سه‌ره‌نجام دوای 3 رۆژ کاری به‌رده‌وام، کاتژمێر 8 ی ئێواره‌ی رۆژی 10 ی گه‌لاوێژ کۆنگره‌ی چواره‌می رێکخراوی خه‌بات،ی شۆڕشگێڕی کوردستان به‌سه‌رکه‌وتنه‌وه ‌کۆتایی به ‌کاره‌کانی هێنا.

  گرتن و سه‌رخستنی کۆنگره‌ی چوار له‌کاتێکی زۆر هه‌ستیار و چاره‌نووسسازدا که ‌بزووتنه‌وه‌ی کورد و رێکخراوه‌که‌مانی پێدا تێده‌په‌ڕێ، له‌خۆیدا کارێکی پیرۆز و گه‌وره و سه‌رکه‌وتنێکی حاشاهه‌ڵنه‌گره‌. هاوکات ئه‌و گۆڕانکاریی و ئاڵوگۆڕانه‌ش که‌به‌سه‌ر شێوه‌ی کار و پڕۆگرام و دروشمی سه‌ره‌کییدا هاتوون، سه‌رکه‌وتنێکی دیکه‌ی کۆنگره‌که‌مان بوو.

  خاڵێکی دیکه‌ی جێی سه‌رنج و دڵخۆشیی، به‌شداریی کارا و چالاکانه‌ی خوشکان و توێژی لاوان بوو له ‌ئاماده‌کردن، راپه‌ڕاندن و به‌سه‌رکه‌وتنگه‌یاندنی کاره‌کانی کۆنگره‌ی چواره‌می رێکخراوه‌که‌مان.

 یه‌کێك له ‌داهێنانه‌گه‌وره‌کانی دیکه‌ی رێکخراوه‌که‌مان له ‌کۆنگره‌ی چواردا سوودوه‌رگرتن بوو له ‌زۆرترین و جۆراوجۆرترین را و بۆچوون ‌له‌سه‌ر بابه‌ته ‌په‌یوه‌ندییداره‌کان‌. ئه‌وه‌ش له‌ڕێی به‌شدارییپێکردنی ئه‌ندامان، دۆستان و ته‌نانه‌ت که‌سانی رۆشنبیر و خاوه‌نڕا له‌ده‌ره‌وه‌ی ریزه‌کانی رێکخراوی خه‌بات،ی شۆڕشگێڕ و وه‌رگرتنی تێڕوانین و تێبینییه‌کانیان له‌سه