راگەیەنراوێک لە کوردستان فۆر پرێس و ماڵپەری ئەنستیوتی دهۆک بۆ رۆشنبیری گشتی

لە پێناو کار کردن و خزمەتکردنی زیاتر کوردستان فۆر پرێس ئەرکەکانی خۆی دەخاتە پاڵ ماڵپەری ئەنستیوتی دهۆک

بۆ سەرجەم خوێنەران و نووسەران و راگەیاندکانی کوردستان

راگەیاندنی کوردی لەم قۆناغەدا پێویستیەکی گرنگە بۆ گەیاندنی پەیامی مرۆڤایەتی و داکۆکیکردن لە مافە بنەرٍەتیەکانی مرۆڤ و تەکاندان بە پێشکەوتنە ئابووری وسیاسی و کۆمەڵایەتی و رۆشنبیری و کلتوریدا، هەر لەو پێناوەشدا دوای دوو ساڵ و نیوی کارکردنی کوردستان فۆر پرێس (www.kurdistan4press.com) ئەم ئەرکانەی بە ئەمانتەوە جێبەجێکرد، قۆناغەکانیش وادەخوازن لە پێناو بەهێزیدا تواناکان یەک بخرێنەوە و بە هەموو بڕوایەکمانەوە کۆکین لەسەر ئەوەی ئەگەر ماڵی کوردی یەک نەخرێتەوە بێگومان ناتوانین دەسکەوتە نەتەوەیی و سیاسی و ئابورییەکانمان بەهێز بکەین، هەر لەو روانگەیشەوە لە دوا کۆبوونەوەی ستافی کوردستان فۆر پرێس هەریەکە لە بەرێزان خاوەن ئیمتیاز باوکی ئەلەند و سەرنووسەر رێبین ئازاد و ئاسۆ عەلی فەرەج و تەواوی کارمەندانی کوردستان فۆر پرێس بڕیاردرا کە:

- کوردستان فۆر پرێس لەرووی هەموو ئیمکانیەتیکەوە بچیتە پاڵ ماڵپەری ئەنستیوتی دهۆک بۆ رۆشنبیری گشتی و درێژە بەکارە راگەیاندنکارییەکەی بدات و بەشێک لە ستافەکە تەرخان بکرێت بۆ سەرپەرشتیکردنی ئەو رێککەوتنەی نێوان کوردستان فۆر پرێس و ئەنستیوتی دهۆک بۆ رۆشنبیری گشتی.

- باوکی ئەلەند خاوەن ئیمتیازی کوردستان فۆر پرێس بەرامبەر مانەوەی هەندێک لەکارمەندانی کوردستان فۆر پرێس دەستبەجێ هەلێکی دیکەی کارکردنی دۆزیەوە تاکو بتوانن بەردەوامی بەکارەکەیان بدەن.

- لە کاتی بڵاوکردنەوەی ئەم راگەیەنراوەدا داوا لەسەرجەم نووسەران و رۆشنبیران و دەکەین کە سەردانی ماڵپەری ئەنستیوتی دهۆک بۆ رۆشنبیری گشتی (www.digc1.com) بکەن و لەوێدا بەهەمان گرووتینەوە ستافی کوردستان فۆر پرێس (www.kurdistan4press.com). خزمەتی ئێوە دەکات. هیوادارین بتوانین بە هەمان شێوە و ستایلی نوێیەوە خزمەت بکەن.

خاوه‌ن ئیمتیازی کوردستان فۆرپرێس باوکی ئه‌له‌ند

به‌رپرسی ئه‌نستیوتی دهۆک بۆ رۆشنبیری گشتی عه‌بدولعه‌زیزبارزانی